Valáštallamis leat iešguđetge vuođđonjuolggadusat mat čujuhit dasa makkár ovddasteddjiid valáštallan háliida. Lea sávaldat ahte ovddasteaddjit galget leat doarjjan ja ovdagovvan mánáide, muhto lea maiddá dehálaš leat dihtomielalaš iežas rolla valáštallamis. Du áŋgiruššamis ja searvamis lea stuorra váikkuhus mánáide ja birrasii.
Leahkit ovddasteaddjin valáštallamis mearkkaša ahte leat buorre doarjjan iežat mánnái ja seammás leat dihtomielalaš iežat sajádaga ja mo searvvat valáštallamii. Valáštallanillu buohkaide mearkkaša ahte leat dihtomielalaš sihke iežat rolla rávisolmmožin ja du rolla ovdagovvan mánáide. Dát 19 vuođđonjuolggadusa sáhttet leat veahkkin čujuhit dasa mo mii háliidat váhnemat galget leahkit valáštallamis.
1. Ane árvvus ahte du searvi addá du ja earáid mánáide doaibmafálaldaga lagasbirrasis.
2. Valáštallanillu lea juoga man oažžu go lea aktiivvalaš, ja dat leage deháleamos man sáhttit ovdánahttit ja dahkat ovttas mánáiguin.
3. Leage positiivvalaš oassálasti sihke du máná, searvvi ja valáštallama dihte oppalaččat – don gulat maid searvái.
4. Divtte mánáid leat mánnán, ja hála rávisolbmoságaid rávisolbmuiguin.
5. Oahpa makkár njuolggadusat, láidestusat ja mearrádusat gustot valáštallamii. Sáhttet leat erohusat valáštallamiid gaskkas.
6. Searvva váhnenčoahkkimiidda, veahkkálasbargguide ja eará doaimmaide maid searvi lágida.
7. Boađe kámppaide/gilvvuide ja hárjehallamiidda – don leat dehálaš sihke iežat mánnái, daid earáide joavkkus ja birrasii.
8. Movttiidahte buohkaid miehtegieđageavadis ja vuostegieđageavadis. Mis lea buohkain ovddasvástádus hábmet dan birrasa mas mii háliidat leat oassin.
9. Divtte hárjeheaddji leat hárjeheaddjin – doalat konstruktiivvalaš gulahallama hárjeheddjiin ja servviin.
10. Fair Play bokte lea sáhka hábmet dihtomielalašvuođa dan birra mo mii láhttet nubbi nuppiin iešguđetge rollain, sihke valáštallanarenas ja dan olggobealde.
11. Leage buorre ovdagovva rávisolmmožin valáštallamis, du guottuid ja láhttema bokte.
12. Veahket mánát ásahit buriid guottuid alcces ja iežas joavkoustibiidda.
13. Čájet beroštumi máhttimii ja oahppamii, alege beare bohtosiidda.
14. Searvvi čađa sáhtát oažžut oahpaheami ja kursafálaldagaid iešguđetge beliide valáštallamis, váldde oktavuođa joavkkuin.
15. Dagat nu ahte buohkaide geat barget maidige searvvi ovddas lea guoibmái ja álki doaimmahit doaimmaidis.
16. Leage áicil vai oainnát leatgo mánát/bearrašat mat dárbbašit veahki sáhttui, dávviriidda jna.
17. Smiehta ođđasisgeavaheami ja birrasa birra valáštallandávviriid ektui.
18. Leage mielde dagaheame ahte valáštallandávviriid ja doaimmaid haddedássi lea heivehuvvon ahkái, ja máná dárbbuide.
19. Sáhttá maiddá dagahit stuorra erohusa dutnje ovddasteaddjin go áŋgirušat máná ovddas valáštallamis.
